ලාංකේය සිංහල සිනමාට පළමුවැනි කාන්තා අධ්‍යක්‍ෂකවරියකගේ ආගමනය සිදුවන්නේ 1965 වසරේ දී ය. ඇය නමින් ෆ්ලොරීඩා ජයලත් වේ. සිංහල සිනමා වංශ කතාවේ දැක්වෙන්නේ ඇය එක රැයින් තරුවක් බවට ද පත් නිළියක බවයි. ඊට ඇයට ම පාදන්නේ එකල අතිශ්‍යය ජනපි‍්‍රය චිත‍්‍රපටයක් වූ සුජාතා චිත‍්‍රපටයේ එන සුජාතාගේ චරිතය යි. එකල ඇයගේ ජනප‍්‍රියත්වය දෙවෙනි වූයේ රුක්මණී දේවියට පමණක් ම බැව් සදහන් වේ. 1956 පැවති දිනමිණ රගමඩල චිත‍්‍රපට තරගයේ දී පි‍්‍රයතම නිළිය වශයෙන් දෙවෙනි ස්ථානය දිනා ගත්තේ ෆ්ලොරීඩා ය. එසේ ම සුවිනී, සැඩසුළං, සේපාලි, ලාලනී යන ඉතා ජනප‍්‍රිය වාණිජ චිත‍්‍රපට සඳහා ද ඇය රංගනයෙන් දායක වී ඇත.
රංගනයෙන් ලද පන්නරයත් සමග ම ඇය චිත‍්‍රපට අධ්‍යක්‍ෂණයට යොමු වූ නිසා ඇගේ චිත‍්‍රපට අධ්‍යක්‍ෂණ ගමන් මගට එය මහත් පිටිවහලක් වන්නට ඇත.
1965 වසරේ දී තිරගත වූ ස්විප් ටිකට් චිත‍්‍රපටය ඇය විසින් අධ්‍යක්‍ෂණය කළ පළමු චිත‍්‍රපටය යි. එකල පැවති චිත‍්‍රපටවලට වඩා වෙනස් තේමාවක් රැගත් මෙම චිත‍්‍රපටය මගින් කාන්තා ගුණය පිළිබද යම් අදහසක් ප්‍රෙක්‍ෂකයාට ගෙන ඒමට ඇය උත්සහ ගෙන ඇති බවක් පෙනී යයි. ෆ්ලොරීඩා, ස්වීප් ටිකට් තුළින් අපට පවසන්නේ නොපනත් සැමියන් අතරේ ද කුලවත් බිරින්දෑවරුන් සිටින බව යි.
ෆ්ලොරීඩා ජයලත් මෙම චිත‍්‍රපටය අධ්‍යක්‍ෂණයට අත ගසන්නේ රාජා ජොෂුවා නම් සහයකු ද සමග ය. රාජා ජොෂුවා ද්‍රවිඩ සිනමාකරුවෙකි. ඔහු ලෙනින් මොරායස්ගේ ”සුදු දුව” යන චිත‍්‍රපටය තැනීමට ද සහය වී ඇත.
ස්වීප් ටිකට් චිත‍්‍රපටය තිරගත වී අදට වසර පනස් දෙකක් පමණ ගත ව ඇත. එහෙත් එම චිත‍්‍රපටයේ ශේෂයන් අදටත් අප අතර පවතී. “ආවා පෙම්වතා යන්නේ, හොද සිරියාවයි ආකාසේ, මේ ලෝකේ සියල්ලෝ සිනාවන්නේ ඇයි දෝ” යන ගීත අදත් ගුවන් විදුලියෙන් අපට නිරන්තරයෙන් අසන්නට ලැබේ.
1997 දී ෆ්ලොරීඩාට සම්මාන දෙකක් පිළිගැන්විණි. එකක් සරසවිය සම්මාන උළෙලේ නමස්කාර පූජා විශේෂ සම්මානය යි. අනික ජනාධිපති සමමාන උළෙලේ පුරෝගාමී සම්මානය යි.
පසු කාලීන ව ෆ්ලොරීඩා ජයලත්ට අමතර ව අධ්‍යක්‍ෂකවරුන් ලෙස කාන්තාවන් දෙදෙනකු සිනමාවට ප‍්‍රවිශ්ට වේ. 1967 දී රූබි ද මැල් විසින් ”පිපෙන කුසුම” අධ්‍යක්‍ෂණය කරමින් සිංහල සිනමාවේ දෙවෙනි අධ්‍යක්‍ෂිකාව ලෙස සිනමාට පිවිසේ. අනෙක් අධ්‍යක්‍ෂකයරිවය වන්නේ 1968 දී ”හැංගි හොරා” චිත‍්‍රපටය අධ්‍යක්‍ෂණය කරමින් සිනමාට පිවිසි රෝහිණී ජයකොඩි ය. විශේෂත්වය නම් මෙම දෙදෙනා ද ජනපි‍්‍රය නිළියන් වීම යි.
6 comments:
Superb...
Good Job Nangi
Good Job Nangi
Aluth deyak..
thank u..
thnks
Post a Comment