කාලෙ කන්න හොඳම විදිහ....

නිෂ්පාදක මහත්තයට - සල්ලි ටිකක් හොයා ගන්න
රූපවාහිනී සේවෙට  -  කාලෙ සල්ලි වලට දෙන්න
පන්ති අඳින වැඩට අඳින - ඇදුම් මෝස්තර බලන්න
පෙම්වතුන්ට පෙම් කරන්න - දෙබස් ටිකක් අහුල ගන්න


කුස්සියෙ වැඩ කරන අයට - රූප නැතිය හඬ අහන්න
ලොකු ලොකු බංගලා ඇතුලේ - බඩු අහුරන හැටි බලන්න
හැම දෙයක ම හොදක් දකින - අයට හොදක් හොයාගන්න
හැම දෙයක ම වැරදි දකින - අයට විවේචන කරන්න

කියන්න මොකවත් නැති විට - රස කර කර කතා වෙන්න
නයිට් ඩියුටි කරන අයට - නින්ද ටිකක් මග අරින්න
පොඩි එවුන්ව රවට්ටලා - බත්ගුලි කට තුළ ඔබන්න
ආච්චිලට සීයලාට - මළ විකාර බලා ගන්න

ගේදොර වෙහෙසෙන ළදුන්ට - වෙහෙස ටිකක් නිවාගන්න
සිහින ලෝකෙ ඉන්න අයට - ඉකි බිඳ බිඳ කදුලූ බොන්න
සාහිත්‍යය දන්න අයට - හැකියාවන් මොට කරන්න
විභාග ලග තියෙන අයට - අනාගතය වල දමන්න

නෝනලාගෙ කරච්චලේ -නෑහුණ ගානට ඉදින්න
ගෙදර ඉන්න මදුරුවන්ට - බඩ පිරෙන්න ලේ උරන්න
මොකවත් නොහිතන එවුන්ට - ඔහේ නිකන් බලන් ඉන්න
ටෙලිනාට්‍ය විනාඩි තිහ හොඳම ක‍්‍රමය කාලෙ කන්න